Rannsóknir við HR

Árangur

Rannsóknir eru ein af grunnstoðum Háskólans í Reykjavík og eru unnar í nánum tengslum við atvinnulíf og samfélag. Áhersla er lögð á alþjóðlegt samstarf, nýsköpun og þverfaglega nálgun, forsendur þess að takast á við þær áskoranir sem framundan eru. Rannsóknir skólans eru metnar eftir alþjóðlegum viðmiðum af erlendri matsnefnd.

Rannsóknarstarf HR hefur vaxið jafnt og þétt. Frá árinu 2007 hefur ritrýndum greinum fjölgað úr 90 í um 530 á ári, og hlutfall birtinga í efstu tímaritum hvers fræðasviðs hefur farið úr 55% í 98%. Á sama tíma hefur meðalfjöldi ritrýndra birtinga á hvern akademískan starfsmann farið úr 1,1 í 4,5.

Skólinn hefur einnig aukið verulega sókn sína í innlenda og erlenda samkeppnissjóði. Nánari úttekt á þróun rannsókna má lesa í árlegri skýrslu um styrk HR í rannsóknum.

Árleg rannsóknarskýrsla

Háskólinn í Reykjavík gefur árlega út skýrslu um styrk skólans í rannsóknum. 

---

Rannsóknarsetur HR

Við Háskólann í Reykjavík starfa rannsóknasetur, stofnanir og rannsóknastofur á öllum fræðasviðum skólans — frá gervigreind og burðarvirkjum til loftslagsréttar, svefnrannsókna og lýðheilsu. Setrin tengja saman vísindafólk, doktorsnema og samstarfsaðila úr atvinnulífi og alþjóðlegu rannsóknasamfélagi.

Hér má finna öll setur skólans. Þú getur síað eftir deild eða viðfangsefni, eða leitað eftir heiti og skammstöfun.

Rannsóknarsetur Háskólans í Reykjavík

Mat á rannsóknum

Háskólinn í Reykjavík er virkur þátttakandi í alþjóða rannsóknarsamfélaginu. Matsnefnd skipuð erlendum sérfræðingum gerir úttekt á rannsóknum allra akademískra starfsmanna annað hvert ár. Að auki er rannsóknarstarf skólans metið af Gæðaráði íslenskra háskóla fimmta hvert ár.

Erlenda matsnefndin er sérstaklega beðin um að hafa í huga, að við allan alþjóðlegan samanburð á rannsóknarvirkni innan einstakra vísindasviða/-greina og áhrifum (e. impact) skal taka mið af;

• Birtingum
• Tilvitnunum
• Rannsóknarvinnu
• Leiðbeiningu doktorsnema/nýdoktora
• Öflun rannsóknarstyrkja
• Setu í ritstjórnum
• Ritrýni
• Þátttöku í alþjóðlegum verkefnum
• Skipulagningu vísindaráðstefna
• Mati á doktorsritgerðum, o.fl.  

Stigakerfi

Erlenda matsnefndin raðar akademískum starfsmönnum í eftirfarandi fimm flokka, þ.e. gefur rannsóknarstig á kvarðanum 0-4:

0 Engin eða lítil sem engin rannsóknarvirkni (e. None or insignificant research activity).

1. Lítil en ekki ómarkverð rannsóknarvirkni (e. Little but nontrivial research activity).
2. Framlag til alþjóðlega rannsóknarsamfélagsins eða ef viðeigandi til íslenska rannsóknarsamfélagsins (e. Contributes to the international research community or domestic where appropriate).
3. All nokkur og virk þátttaka í alþjóðlega rannsóknarsamfélaginu eða ef viðeigandi í íslenska rannsóknarsamfélaginu, með greinilegu framlagi og áhrifum (e. Considerable and active participant in the international research community or domestic, where appropriate, with a clear contribution and impact).
4. Veruleg og virk þátttaka í alþjóðlega rannsóknarsamfélaginu eða ef viðeigandi í íslenska rannsóknarsamfélaginu, með talsverðu framlagi og áhrifum (e. Significant and active participant in the international research community or domestically, where appropriate, with a substantial contribution and impact).

Skipan erlendu matsnefndarinnar 2022

• Professor Oliver Hoener, Tübingen University, Þýskaland (íþróttafræði)
• Professor Amnon Lev, University of Copenhagen, Danmörk (lögfræði)
• Professor Allan Borodin, University of Toronto, Kanada (tölvunarfræði)
• Professor Sabine T. Koeszegi, Vienna University of Technology, Austurríki (viðskiptafræði)
• Professor Zohar Yosibash, Tel Aviv University, Ísrael (verkfræði)
• Professor Aline Cotel, University of Michigan, Bandaríkin (verkfræði)
• Professor Maria Melchior, French Institute of Health and Medical Research, Frakkland (sálfræði)